TKF (Türkmenistanyň Kikboksing Federasiýasy) 1992-nji ýylda Türkmenistanyň at gazanan tälimçisi Aleksandr Nikolaýewiç Snagowski tarapyndan esaslandyryldy. Türkmenistanyň Kikboksing Federasiýasy WAKO-nyň agzasydyr. Aleksandr Nikolaýewiç şol wagtdalarda birnäçe türgen ýetişdirip başlaýar we ilkinji bolup, (häzirki wagtda tälimçi) Garryýew Meretmyrat Kakabaýewiç bilen 1993-nji ýylda Wengirýanyň Budapeşt şäherinde geçirilen “Kikboksing boýunça Dünýä Çempionatyna” Dünýä çempionatyna gatnaşýarlar.

2014-nji ýylda TKF-nyň başlygy bolup Aleksandr Nikolaýewiçiň şägirdi Izmaýlow Halmurat Akmuradowiç bellenilýär. Izmaýilow Halmurat häzirki wagta çenli bolsa federasiýa ýolbaşçylyk edip gelýär.

TKF-da 17 ýaşa çenli ýetginjekler topary we 18 ýaşdan ýoakry bolsa ulular topary hereket edýär. Türkmenistanyň milli ýygyndysyna girmek üçin bolsa Türkmenistanyň çempiýony ýa-da 2-nji orny eýelemek zerurdyr. Türkmen türgenleri kikboksing sportunyň “full contact” “low kick” “K-1” görnüşleri boýunça çykyş edýärler. Türkmen kikboksçylarynyň dünýä, Ýewropa we Aziýa çempionatlarynda we birnäçe iri halkara derejeli ýaryşlarda baýrakly orunlara mynasyp boldylar.

TKF diňe WAKO-nyň guraýan halkara ýaryşlaryna gatnaşýar. Türkmenistandaky ähli kikboksing ýaryşlaryndan geçirilmeginden öň WAKO-nyň wekili gelip degişli synlary berýär.